Páginas vistas en total

domingo, 5 de marzo de 2017

O PSOE de Porto do Son pide que as aportacións da Xunta aos concellos sexa cos mesmos criterios xustos e equitativos da actual Deputacion da Coruña

O Grupo Municipal Socialista de Porto do Son, ven de rexistrar unha mocion para debatir no vindeiro pleno ordinario do mes de marzo na que solicita que os fondos que a Xunta de Galicia asigna aos concellos a traves do Fondo de Cooperación Local se transfiran coa mesma transparencia e criterios xustos e equitativos que está a seguir o actual goberno da Deputación da Coruña presidido polo socialista Valentín Gonzalez Formoso

O novo Plan Único de Concellos POS+2017 está a marcar un novo camiño na distribución de fondos con criterios obxectivos (os criterios POS), uns criterios altamente aceptados pola maioría dos concellos da provincia.

Aplicando estes criterios, a Deputación da Coruña está a incrementar a cantidade asignada a cada concello e reduce así as caprichosas subvencións "nominativas" que ata o de agora utilizaban o Presidente de turno sen criterio.

O concello de Porto do Son viña recibindo (nos últimos 4 anos) unha media de 759.053 € pero este ano co novo Plan Único POS+2017 correspóndenlle 865.942 €. Non só recibiremos mais que a media dos últimos anos senon que tamén poderemos acollernos ao Plan de Medio Ambente (PMA), ao Plan de Emprego Local (PEL) e ao resto de subvencións do ente provincial. A Deputación ainda podía aportar máis aos concellos, pero o Ministerio de Facenda impide investir o remanente positivo total que teñen algunhas Administracións Públicas como a Deputación da Coruña.

É por todo isto que o Grupo Municipal Socialista de Porto do Son solicitará o apoio do resto de partidos políticos da corporación sonense para aprobar unha iniciativa que podería supoñer un aumento considerable de fondos para poder acometer importantes melloras de no noso concello



Concelleiros do PP sonense cobraron mais de 5.000 € por unhas Xuntas de Concelleiros Delegados das que non hai constancia que se celebren

O Grupo Municipal Socialista de Porto do Son quere denunciar que hai concelleiros do PP que non teñen dedicación exclusiva nin parcial pero cobran 150 € por asistir a unhas Xuntas semanais de Concelleiros Delegados das que non hai constancia documental que se celebren.

Levamos dende o comezo da lexislatura solicitando as actas desas xuntas a traves de peticións no rexistro do concello e mesmo con rogos/preguntas nos plenos ordinarios sin obter unha explicación creible.

"Non sabemos si esas Xuntas de Concelleiros Delegados se celebran porque non hai actas pero sí sabemos que o alcalde ordena mediante decreto que se lles paguen" explica a voceira socialista Josefa Hermo

Volveremos a pedir as actas desas Xuntas no vindeiro pleno ordinario que se celebrará o vindeiro 9 de marzo e de volver obter unha resposta negativa acudiremos ao Valedor do Pobo


sábado, 7 de mayo de 2016

O PSOE do Son valora deixar plantado ao equipo de goberno sonense no pleno do vindeiro mércores

Os concelleiros do Grupo Municipal Socialista de Porto do son recibiron con estupefación o pasado venres a convocatoria do pleno ordinario correspondente ao mes de maio. O motivo: non foron incluidas na orde do día as mocións rexistradas en tempo e forma polos socialistas, e hoxe coñecemos que tampouco se incluiron as do resto de partidos da oposición, sen unha explicación creible por parte do mandatario sonense.

Estamos acostumados a que o alcalde rexeite todalas mocions de urxencias sen tan sequera molestarse en leelas, pero esto de que se atreva a non incluir na orde do día as mocións rexistradas en tempo e forma é unha actitude rancia e caciquil pouco democrática

Sabemos que as mocións que tiñamos rexistradas son incómodas para o PP local porque poñen en evidencia as deficiencias en políticas sociais do noso concello pero tamén dos gobernos autonómico e central, pero non por elo vamos a deixar de plantexar solucións aos problemas dos nosos veciños do Son nestes tempos de crise.

O pleno en cuestión era o ordinario correspondente ao mes de maio pero tivo que ser adiantado para corrixir "o último día e á última hora" erros na tramitación dos proxectos incluidos no PAI, o que evidencia unha vez mais a improvisación e falla de organización do actual equipo de goberno

viernes, 18 de marzo de 2016

Resumo do pleno celebrado o 17 de marzo

Resolución dos principais puntos tratados na orde do día do pleno celebrado o 17 de marzo de 2016:

2) O PAI non é unha subvención, é un préstamo que computa como débeda, consideramos que as obras incuidas neste plan para este ano son IMPORTANTES pero NON URXENTES e se deberían ter acometido co POS ou o PAS da Deputación

4) APROBAMOS por unanimidade a creación dunha mesa contra a Violencia de Xénero

5) O PP votou en contra da proposta socialista de pedirlle á Xunta que organice mais cursos para obter o carné de fitosanitarios

6) APROBAMOS por unanimidade a proposta socialista de establecer unha taxa ás entidades bancarias que teñan os caixeiros automáticos cara a rúa

7) O PP votou en contra de mellorar a transparencia no noso concello

8) APROBAMOS por unanimidade solicitar que a Festa de Exaltación do Polbo sexa declarada Festa de Interés Turístico de Galicia

10) Na parte de rogos e preguntas pedimos explicacións sobre a situación de embargo do parque eólico de Xuño e os pagos a xente que iba na lista electoral do PP

martes, 15 de marzo de 2016

O PSOE do Son preocupase pola situación do parque eólico de Xuño

O Grupo Municipal Socialista de Porto do Son pedirá, no pleno ordinario do xoves 17 de marzo, explicacións sobre a relación actual do concello coa filial de Vidal Armadores dedicada ao sector eólico no termo municipal sonense.
O concello de Porto do Son, como administración local, otorgou no seu día a concesión do parque eólico sito no monte comunal da parroquia de Xuño, a Proyectos y desarrollos renovables SL. Dita empresa pertence ó grupo empresarial Vidal Armadores da que, a pasada semana quedaban 6 membros baixo fianza acusados de delitos contra o medio ambente, blanqueo de capitais, e falsedade documental entre outros.
"A nosa preocupación é si o equipo de goberno de Luis Oujo segue mantendo a día de hoxe relación con dito grupo empresarial" sinala a portavoz municipal xa que "nos consta que o parque eólico do monte comunal de Xuño está embargado por unha entidade bancaria e o alcalde non deu a día de hoxe explicacións ós veciños". O grupo municipal socialista amósase preocupado e, en reiteradas ocasións en plenos anteriores demandoulle ó executivo sonense máis transparencia referido a este asunto. "O alcalde non ven de aclarar si o concello percibeu algunha cantidade pola productividade deste parque eólico nin tampouco qué xestións xudiciais en caso de non percibir cantidade algunha vai a levar a cabo".
Dende o PSOE do Son, consideran que este asunto ten a suficiente importancia e relevancia como para dar explicacións detalladas en primeira instancia ós veciños comuneiros de Xuño e ós do concello do Son en xeral.



jueves, 3 de marzo de 2016

O PSdeG pide en Portosín que En Marea apoie a investidura de Pedro Sanchez

Hoxe, José Ramón Besteiro estivo en Portosín, acompañado dos portavoces de pesca do Senado e do Parlamento Galego, para pedir un reparto xusto de cuotas para os mariñeiros do cerco do noso Concello. 
Hai xa uns meses que Pedro Sanchez se comprometeu a renegociar o actual reparto de cuotas de pesca. Agora, o Secretario xeral dos Socialistas de Galicia anuncia que o PSOE quere pór en marcha un novo sistema de reparto de cotas de pesca distinto ao actual, un novo reparto baseado en criterios xustos e cos cales garantir en todo o Estado unha única negociación e un único reparto.
A aposta pola rexeneración das rías, a reindustrialización do sector naval, e a renegociación de cuotas lácteas e pesqueiras son medidas avaladas polo partido en toda España e que cremos que poden ser compartidas por outros partidos galegos con presenza en Madrid. O que pedimos é que se abandone a demagoxia, o tacticismo político e os intereses partidistas porque temos importantes coincidencias para facer realmente un goberno de cambio.
Se estes novos partidos queren un cambio real, pódese facer xa. Non teñen que esperar porque o novo goberno que se pode constituír xunto a Pedro Sánchez vai respaldar estas posicións comúns.

O cambio é posible, así o pensan tamén os mariñeiros do cerco e os mariscadores. 
O que realmente lle preocupa á xente do mar é que se solucionen os seus problemas. De nada van servir as escusas, nin o tacticismo para buscar só os intereses de determinados partidos políticos.
É o momento de apostar por Galicia, pensar na súa cidadanía, nas reformas que se poden facer e nos beneficios que se poden traer e deixar á marxe posturas demagóxicas que non son entendidas nin comprendidas polos cidadáns.
O PSOE segue coas mans tendidas a eses espazos comúns de cambio

martes, 23 de febrero de 2016

Os socialistas de Porto do Son pregan que os veciños do concello asistan ao pleno do vindeiro xoves 25 de febreiro donde se debatirá o PXOM.

Así o fixo constar mediante nota de prensa a súa portavoz municipal Josefa Hermo e o concelleiro Luís García. “Cantos máis veciños asistan, máis se enteraran do oscurantismo co que se tratou este asunto de tanta relevancia para o noso concello” declara Josefa.
Para iso, o luns solicitamos por escrito e a través do rexistro municipal, unha petición para que o pleno extraordinario do vindeiro xoves día 25, no que se procederá á aprobación final do Plan Xeral de Ordenación Municipal de Porto do Son, se celebre no salón de actos da Casa de Cultura sonense dado que o aforo do Centro de Interpretación do Castro Baroña, donde se celebran os plenos habitualmente, non vai ser suficiente para acoller a todos os asistentes dada a alta expectación que suscita na poboación sonense a aprobación dun documento coma este.
O oscurantismo co que se levou a redaccion do documento é tal que non se lle quixo dar á oposicion informacion detallada dos avances pese a que xa en agosto de 2015 o PSdeG sonense, solicitou por rexistro unha reunion, para analizar de forma conxunta as directrices políticas que se estaban seguindo para configurar o urbanismo futuro do noso territorio e “da que ainda non tivemos resposta nin convocatoria”.
Ademais, pese a pedir reiteradamente o documento final, non se nos facilitou copia do mesmo ata o pasado venres alegando erratas que habia que corrixir. Esto deixanos á oposición con un tempo insuficiente de apenas 4 ou 5 dias para revisar, analizar e aclarar as irregularidades do documento final.

martes, 17 de noviembre de 2015

O PSOE do Son apoia o cambio no modelo de reparto de posibilidades de pesca que demanda o cerco galego

José Ramón Val e Josefa Hermo denuncian o “silencio cómplice” do goberno galego fronte á redución continua de posibilidades de pesca

Porto do Son, 17 de novembro de 2015. O portavoz de Pesca do Grupo Socialista no Parlamento Galego, José Ramón Val, reclamou hoxe un cambio de modelo no reparto de posibilidades de pesca para o cerco galego. Así o dixo acompañado da sonense Josefa Hermo durante a manifestación en defensa da flota galega que tivo lugar o pasado domingo na capital galega na que participou unha ampla representación de cargos públicos e organicos do PSdeG.

Val censurou o “silencio cómplice” do goberno galego do Partido Popular na Xunta mentres o goberno central maltrata, ningunea e se desentende da situación o cerco galego. Pois dende o propio executivo autonómico non se fixo nin unha soa declaración na súa defensa nin unha soa xestión demandando algunha solución.

Os socialistas lembran que as embarcacións do cerco galegas “veñen de recibir nos últimos días un novo revés en forma de peche da pesquería de xurelo na zona IX A”. Os 120 buques afectados son os mesmos que viron cómo se lles prohibía pescar bocarte na mesma zona dende o mes de febreiro, unha especie que permanece pechada na VIII C dende comezos de agosto e o xurelo dende o 15 de setembro.

"Este é un problema político que o PP non quere nin sabe solucionar" asegurou a concelleira socialista Josefa Hermo, "polo que o 20D teremos a oportunidade definitiva de darlle un xiro a esta situación si a xente confie en quenes apostamos por sectores estratéxicos coma o pesqueiro ou o gandeiro"


martes, 13 de octubre de 2015

Propoñemos que o POS e o PAS da Deputación se invirtan nas obras de saneamento das parroquias de Caamaño, Xuño e SanPedro de Muro

Porto do Son, 16 de outubro de 2015. O Grupo Socialista no Concello de Porto do Son ven de rexistrar unha moción cunha proposta de investimento para destinar a partida orzamentaria que se aprobou a semana pasada na Diputación da Coruña correspondente a dous plans: Plan de Acción Social e Plan de Obras e Servicios para comezar a acometer a rede de sumidoiros das parroquias de Caamaño, Xuño e San Pedro de Muro xa que non teñen iniciado ninguna actuación e o a reducir parte da deuda do concello sonense.

“Preto dun 60% da poboación que reside en Porto do Son non pode disfrutar de servicios básicos como son o saneamento ou abastecemento de auga” segundo explicou a portavoz do PSdeG na localidade, Josefa Hermo.

En concreto, para Porto do Son ven de ser aprobada o pasado xoves unha totalidade de 673.122,54 €.

De esta totalidade, 388.339,93 € corresponden ó denominado Plan de Acción Social cuxa finalidade é cooperar cos concellos na realización de investimentos “financeiramente sostibles” e que teñan na súa maior parte un “carácter social”, no sentido de iren destinados a mellorar as condicións de vida da poboación, principalmente da infancia, da mocidade, das mulleres, das persoas maiores, das persoas con diversidades funcionais e necesidades especiais, e doutros colectivos que necesiten de especial apoio e protección.

O outro plan contempla a cantidade de 284.782,61 € que corresponden ó Plan de Obras e Servicios cuxa finalidade é dobre: en primeiro lugar a realización de novos investimentos nos concellos contribuíndo con iso a garantir a prestación dos servizos municipais e á reactivación da economía, e en segundo lugar a axuda ao financiamento dos gastos correntes municipais, dado que os concellos teñen menos ingresos para o financiamento dos mesmos ou máis gastos correntes que os pasados anos. Para materializar esta dobre finalidade, cada concello poderá utilizar a cantidade que se lle asigne do:
  1. O 50 % destinarase necesariamente á realización das obras ou subministracións precisas para a efectiva prestación dos servizos obrigatorios
  2. O 50 % restante destinarase, a elección do concello, ben a realización de máis obras ou subministracións das indicadas no parágrafo anterior, ben ao financiamento dos gastos correntes do concello no exercicio 2016.
O grupo municipal socialista propon que 142.391,31€ do POS sexan destinados ao financiamento do gasto corrente do 2016 “o concello de Porto do Son ten unha deuda moi elevada para un concello das características como ten o noso” según declara Josefa Hermo. O outro 50% se lle sume á cantidade do PAS para acometer a rede de sumidoiro nas parroquias arriba indicadas.

A rede de saneamento é prioritaria ante calquer outros proxectos que pode ter previsto o executivo xa que é un servicio báxico e na actualidade non todas as parroquias dipoñen del.



jueves, 8 de octubre de 2015

Josefa Hermo reclama na Deputación inversións para Porto do Son

Hermo reúnese co presidente da Diputación para demandar melloras nos viales sonenses pertencentes á diputación e futuras inversións para o concello.

Porto do Son, 5 outubro de 2015. Josefa Hermo ven de reunirse no día de hoxe co recen nomeado presidente da Deputación da Coruña Valentín González Formoso, para coñecer de primeira man o estado das inversións previstas polo ente provincial para o concello de Porto do Son.

A portavoz socialista do concello sonense, trasladoulle a necesidade imperiosa de finalizar o proxecto do vial DP-7103 que vai Laranga-Olveira polo perigo que entrana a falla de seguridade vial a día de hoxe. “Este é un proxecto que xa debería de estar rematado pero segue sendo un zafarrancho de unha obra construída a base de parches polo anterior goberno provincial”. Na mesma liña, solicitou a ampliación do vial DP-7101 que vai á Igrexa de Nebra e a renovación de carteis indicativos do vial DP-7102 que sube de Porto do Son a Ribasieira.

Josefa Hermo manifestou que “Foi unha reunión moi productiva xa que tamén tratamos propostas de inversión para reforzar a área de Servicios Sociais, e posibles subvencións para as áreas de cultura e deportes”.

Para os concelleiros socialistas Josefa Hermo e Luís García, a negociación e consecución de novas inversións para o concello de Porto do Son está sendo unha prioridade tanto a nivel provincial e autonómico como estatal.


sábado, 3 de octubre de 2015

100 días de DESgoberno en Porto do Son

Video co resumo do balance que fan Josefa Hermo e Luis García destes 100 días de DESgoberno, Oscurantismo e Falla de Colaboración do novo equipo de goberno do Partido Popular en Porto do Son



jueves, 1 de octubre de 2015

Acta Pleno 9 de Xullo 2015

Facemos pública a acta do Pleno Ordinario celebrado o 9 de xullo de 2015.

Resumo: Neste pleno, convocado valeiro de contido, no que o PP votou en contra de debatir as mocións de urxencia propostas pola oposición, fixemos entre outras as seguintes intervencións:

Rogos:

1.-que o alcalde non goberne a golpe de decretazos
2.-que se actualice a web o ficial do concello pois ainda aparecen os concelleiros do anterior goberno municipal e que se fagan públicas as declaracións de bens de todos os membros da coirporación
3.-que se limpen os accesos ás praias e beirarrúas dende Miñostos ata Carballosa, tamén pistas rurais e camiños forestais por risco de incendio.

Preguntas:

1.-¿Que programación cultural estival se preveu para as diferentes casas de cultura da parroquias?
2.-¿Quen vai xestionar a piscina municipal (se se abre): o concello ou unha empresa privada?
3.-¿Está regularizada a cesión dos locais municipais á empresas e asociacións privadas?
4.-¿Está recollida no PXOM a nova Casa Consistorial?
5.-¿Cómo se vaia recuperar a Alameda Vella?
6.-¿Fíxose algún estudio de viabilidade ou prevención de riscos laborais sobre as actividades que se levan a cabo no Viveiro de Empresas con materiais canceríxenos?

Acta Pleno 9 de xullo 2015

martes, 8 de septiembre de 2015

O Equipo de Goberno de Porto do Son rexeita apoiar a inversión do Paseo Marítimo de Cabeiro que o PSOE local demandaba nos PGE 2016

Porto do Son, 8 de setembro de 2015.  O equipo de goberno de Porto do Son vota en contra de debatir a proposta socialista para construir o paseo marítimo que uniría Porto do Son e Cabeiro.

O Grupo Socialista no Concello de Porto do Son a través da diputada socialista no Congreso dos Diputados Paloma Rodriguez, presentaron unha enmenda ós Presupostos Xerais do Estado por un importe de 175.000 €, para iniciar os trámites de construcción do paseo marítimo que une Porto do Son con Cabeiro xa que o anteproxecto xa está elaborado dende o ano 2011.

Josefa Hermo afirma que “é moi beneficioso para o concello de Porto do Son xa que nos axuda a promocionar o sector turístico e potenciar a economía sonense, así como mellorar a seguridade vial para os alumnos do I.E.S de Porto do Son”. Na mesma liña e, en coordinación con Paloma Rodriguez, presentaron igualmente, unha proposición non de lei instando ó goberno central en coordinación coas administracións implicadas, a realizar a dotación económica necesaria para a construcción durante o ano 2016 do mencionado paseo marítimo.

Por todos estes motivos, o grupo municipal socialista de Porto do Son presentou unha moción de urxencia no pleno do luns instando ó equipo de goberno a apoiar tanto a enmenda como a proposición non de lei xa que na actualidade se está levando a cabo no Congreso dos Diputados o debate de enmendas para incluír e aprobar definitivamente os Presupostos xerais do Estado para o vindeiro ano.


Según relata Josefa Hermo “cal foi a nosa sorpresa, que o mandatario Luís Oujo xunto co seu equipo de goberno se negou á lectura e polo tanto á aprobación da moción urxente pese a estar rexistrada o mesmo día do pleno”.



viernes, 4 de septiembre de 2015

O PSOE de Porto do Son levará ao pleno do luns unha proposta de "Plan Municipal de Educación"

Josefa Hermo e Luis García presentarán unha ampla batería de propostas no ámbito educativo co obxectivo de “facilitar a conciliación das familias sonenses, apoiar ás que teñen menos recursos económicos e mellorar a calidade do ensino”
Porto do Son, 4 de setembro de 2015. O Grupo Socialista no Concello de Porto do Son levará ao pleno ordinario do vindeiro luns unha moción para instar a Goberno local a implementar un Plan Municipal de Educación, co obxectivo de “facilitar a conciliación das familias, apoiar ás que teñen menos recursos económicos e mellorar a calidade do ensino”, segundo explicou a portavoz do PSdeG na localidade, Josefa Hermo.
En concreto, a proposta socialista pretende mellorar a conciliación da vida laboral dos pais e nais coa axenda académica nos alumnos/as, introducindo nos colexios monitores para programas de coidado e actividades para os nenos nas horas previas e posteriores ao horario lectivo dos colexios. Durante a mañá (“Bós días cole”) permitiría deixar aos nenos a partir das 8.00 horas, ao mediodía permitiría extender o horario de comedor ata as 16.00 horas, e pola tarde (“Boas tardes cole”) extenderíase ata as 18.00 horas, o que axudaría ás familias sonenses a compaxinar os seus horarios laborais cos dos centros escolares. Os socialistas propoñen a elaboración, por parte do Concello, dun estudo en colaboración coas Anpas para ver cales son os horarios que requerirían unha maior demanda.
Ademáis, o Plan Municipal de Educación que propón o PSdeG sonense incluiría unha subvención das actividades extraescolares para as familias monoparentais ou con rendas baixas, que incluiría a gratuidade total das mesmas para os fogares con ingresos inferiores a 14.000 euros anuais e unha subvención do 50% para as que non superen os 15.500 euros.
Outras das actividades previstas nesta proposta son a implantación de clases de reforzo para os nenos con dificultades específicas na aprendizaxe, “co obxectivo de que acaden o máximo rendemento escolar”, a organización, mas distintas parroquias do municipio, de talleres para que as familias aprendan a elaborar na casa menús equilibrados a prezos asequibles e a organización dun programa de actividade de fomento da lectura e estimulación temperá para os máis pequenos.


martes, 4 de agosto de 2015

O PSOE de Porto do Son pide ao alcalde transparencia na xestión do PXOM

Porto do Son, 3 de agosto de 2015.  A portavoz do PSdeG-PSOE en Porto do Son, Josefa Hermo, pediu hoxe ao alcalde, Luis Oujo, que favoreza a “transparencia” no proceso de elaboración do PXOM da localidade.

Hermo expresou a “disposición ao diálogo” dos socialistas para sacar adiante un planeamento urbanístico “limpo, transparente e consensuado” cos veciños e coas forzas políticas da corporación sonense, que permita “enfrontar con garantías as futuras necesidades do municipio”.

Neste sentido, os concelleiros socialistas mostráronse dispostos a “reunirse as veces que faga falta” co executivo local para impulsar o proxecto, sempre e cando podan consultar detalladamente os documentos, se favoreza tamén a súa exposición ao público, e se estuden obxectivamente as alegacións das veciñanza.

“Levamos moitos anos á espera da aprobación definitiva dun novo PXOM e entendemos que o novo planeamento non debe facerse de costas á veciñanza ou usando o rodillo da maioría absoluta do PP no pleno, senón contando coa participación de todos, pois trátase dun proxecto importante e con vocación de continuidade no tempo”, afirmou a líder dos socialistas.


Consensuar investimentos prioritarios

Josefa Hermo ofreceu tamén ao alcalde a disposición dos socialistas a intentar consensuar con todos os membros da corporación unha planificación estratéxica a catro anos coas actuacións e investimentos prioritarios para o Concello neste mandato e tratar de buscar o financiamento necesario para os mesmos.



"Entendemos que o novo planeamento urbanístico non debe facerse de costas á veciñanza ou impoñendo a maioría do PP nos plenos, senon contando con todos, pois trátase dun proxecto moi importante para o noso concello que debe ter vocación de continuidade no tempo"

miércoles, 29 de julio de 2015

Josefa Hermo e Luis García demandan que se priorice a presencia de socorristas naquelas praias con maior perigo para os bañistas e surfistas.

O Grupo Municipal Socialista de Porto do Son segue a denunciar a escasez de socorristas naqueles areais que teñen maior perigosidade como son as praias con mar aberto e fortes correntes.
“Non é suficiente con unha bandeira izada nin un flotador salvavidas, é indispensable contar coa presencia de persoal humano cualificado que advirta aos bañistas nas praias mais conflictivas”, afirma Josefa Hermo, que incide na necesidade de reforzar o servicio de socorrismo nas praias de Río Sieira, As Furnas e Espiñeirido, areais con maior perigosidade e fortes correntes mariñas cando xa se cobraron a vida dunha persoa e tiveron que ser rescatadas outras cinco.
Luis García pide asi mesmo explicacións de por qué non se cubriron tódalas prazas de socorrista polas que se obtivo subvención.
A portavoz socialista e o seu compañeiro de filas denuncian tamén. perda por parte do goberno actual de tódalas bandeiras azuis que lle foron concedidas ó concello de Porto do Son. “Ter unha bandeira azul implica que se cumpla e manteña unha calidade mínima nos servizos básicos de limpeza e acceso ás praias, así como servicios sanitarios e auga nas duchas, cousa que na actualidade non acontece”.
Neste sentido, os socialistas sonenses reclaman que o alcalde se poña mans á obra pois está fulminando toda a herdanza recibida dun goberno socialista.


miércoles, 15 de julio de 2015

Acta Sesión Extraordinaria Pleno 13 de Xuño de 2015

Os grupo municipal socialista reclamou no último pleno a publicación na web municipal das actas dos plenos e as xuntas de goberno, das declaracións de bens dos membros da corporación e doutras informacións de interese cidadá para favorecer a transparencia do goberno muncipal.

A partir de hoxe faremos públicas neste blog as actas dos Plenos e das Xuntas de Goberno Local da nova corporación municipal.

Acta SE pleno 13 xuño


sábado, 11 de julio de 2015

O PSOE de Porto do Son reclama ao alcalde mais transparencia e "que non goberne a base de decretazos"

Porto do Son, 10 de xullo de 2015.  O Grupo Socialista no Concello de Porto do Son reclamou no pleno celebrado onte na localidade “máis transparencia” no funcionamento do Goberno municipal e “máis diálogo” coa oposición. 

“A corporación municipal integrámola 13 concelleiros e non só os sete do Partido Popular”, afirmou a portavoz socialista, Josefa Hermo, que pediu ao alcalde que “non goberne a base de decretazos” e facilite a labor fiscalizadora da oposición “para que non teñamos que seguir enterándonos pola prensa dos plans do alcalde para Porto do Son”. 

Neste sentido, os socialistas sonenses solicitaron a publicación na web municipal das actas dos plenos e as xuntas de goberno, das declaracións de bens dos membros da corporación e doutras informacións de interese cidadá para favorecer a transparencia do goberno muncipal. 

O PSdeG solicitou tamén que se leve a cabo de forma urxente a limpeza da maleza das beirarrúas que van de Miñortos a a Carballosa, “que están literalmente intransitables”, dos accesos ás praias e de diversas pistas forestais da localidade, debido ao elevado risco de incendio que supoñen.

Asimesmo, preguntaron sobre os plans do alcalde para  a piscina municipal, o tipo de xestión que aplicará e cómo se realizará a selección de persoal.




jueves, 25 de junio de 2015

O goberno de Oujo "será o mais caro da historia de Porto do Son"

Os socialistas afirman que o goberno municipal costará aos soneses preto de 200.000 euros ao ano, a pesar da entrada en vigor da lei que limita os soldo dos alcaldes en función da poboación do concello.

Solicitan a celebración dun pleno ao mes para garantir unha maior transparencia e participación da oposición.

Porto do Son, 25 de xuño de 2015.  A voceira do PSdeG-PSOE en Porto do Son, Josefa Hermo, afirmou hoxe que o goberno municipal presidido por Luis Oujo “será o máis caro da historia do municipio”, a pesar da entrada en vigor da Lei de Racionalización e Sostenibilidade da Administración Local, que limita o soldo do alcalde, pois suporá para as arcas públicas un desembolso de preto de 200.000 euros ao ano, unha cifra que considerou “desmesurada” para un concello de menos de 10.000 habitantes.

En concreto, o goberno do Partido Popular aprobará no pleno de hoxe xoves un salario de 39.300 euros anuais brutos para o alcalde, “unha cifra semellante á que cobrará o novo alcalde da cidade da Coruña”, criticou a edil socialista; tres dedicacións parciais de 24.700 euros ao ano e unha cuarta parcial de 19.600 euros, ademáis dun cargo de confianza adscrito á alcaldía orzamentado en 18.000 euros ao ano.

Todo elo, sumado ás cotizacións á Seguridade Social e ás reunións semanais da Xunta de Goberno fixadas en 150 euros por concelleiro e sesión suporán, segundo os cáculos efectuados polo PSdeG, un desembolso duns 200.000 euros cada ano, que consideran “demasiado elevado” e que se sitúa “nó máximo que permite a lei en canto a salarios e dedicacións”.

Estas cifras contrastan, segundo o PSOE local, “cos mínimos legais que o goberno municipal de Oujo aplica como criterio para fixar aquelas cuestións que teñen que ver co funcionamento e a transparencia do Concello”, como a periodicidade das sesións plenarias, que seguirá sendo de unha cada dous meses, en concreto “o segundo xoves de cada mes impar”, ou a exclusión da oposición de órganos como a mesa de contratación.

Neste sentido, os socialistas anunciaron que solicitarán a celebración dunha sesión plenaria ao mes, restando competencias á Xunta de Goberno, “que non son públicas e cuxas deliberacións son segredas”, co obxectivo de “favorecer o debate político nun foro público "nun momento no que a cidadanía esixe administracións máis transparentes”. 

lunes, 18 de mayo de 2015

martes, 10 de febrero de 2015

#PrimariasPortoDoSon

Estimado compañeiro/a, veciño:


Tras o acordado na asamblea celebrada o pasado 8 de febreiro e debido ao desexo do actual Portavoz Municipal Socialista Xoan Pastor Rodríguez Santamaría de NON concurrir como candidato á alcaldía nas vindeiras Eleccións Municipais 2015, abrimos un prazo de presentación de candidaturas.


Se desexas presentar o teu proxecto para o noso concello baixo as siglas e ideario do PSdeG-PSOE, emplazámoste a poñerte en contacto con nós (a través dalgún compañeiro militante, por email: socialistasportodoson@gmail.com, por facebook: PSOE Porto do Son ou por twitter: @PSOEdoSon) e acudir a asamblea extraordinaria que se celebrará o vindeiro 20 de febrero ás 20:00 horas en primeira convocatoria e 20:30 horas en segunda para presentar as túas propostas e posteriormente proceder á elección por parte da Militancia Socialista de Porto do Son do/a Candidato/a para as Eleccións Municipais 2015


Coa seguinte orde do día:
·        Presentación do proxecto d@s posibles Candidat@s
·        Elección Candidato / a alcaldía de Porto do Son
·        Rogos e Preguntas.



Esperamos contar coas vosas ideas e presenza.


Un saúdo

lunes, 16 de junio de 2014

Recollida de avais dos candidatos a Secretario Xeral do PSOE

Os candidatos a Secretario Xeral do PSOE teñen dende o 13 ata o 27 de xuño para recoller os avais que precisan para poder presentarse. A día de hoxe, os compañeiros que se presentan son:

-Antonio Gutiérrez Rodriguez
-Manuel Pérez García
-José Antonio Pérez Tapias            [Twitter]     [Facebook]
-Aurelio Belando Martinez               [Twitter]     [Facebook]
-Alberto Sotillos Villalobos               [Twitter]     [Facebook]
-Pedro Sánchez Pérez-Castejón    [Twitter]     [Facebook]
-Eduardo Madina Muñóz                 [Twitter]     [Facebook]

Os formularios de aval para cada un dos candidatos están no seguinte enlace: Modelo aval candidatos

miércoles, 7 de mayo de 2014

O Concello permite unha obra sen licenza no cemiterio de Ribasieira

Sendo informados por veciños da parroquia de Ribasieira (Porto do Son), DENUNCIAMOS que, unha vez máis, o Concello de Porto do Son permite unha obra sen licenza.

Nesta ocasión, dentro do marco da Capela de San Pedro Finx de Ribasieira (s. XVIII). Unha obra que non conta con ningún tipo de permiso (nin de Patrimonio nin do concello), aínda que o alcalde, Luís Oujo Pouso (PP) é perfectamete consciente de que se está realizando esta obra porque foi informado polos veciños e polo mesmo párroco de Ribasieira. Non sabemos se o arzobispado autorizou a obra, pero o que si é certo, é que non solicitaron ao Concello a pertinente licenza de obra.



Mañá mesmo, se non se paraliza ata que teña os permisos permitentes, colocarán 5 nichos prefrabricados. Fai uns anos, o cemiterio de Santa Mariña de Xuño, e nestes momentos, o de San Pedro de Baroña, tiveron a súa ampliación, para a cal tiveron que solicitar todos os permisos necesarios (arzobispado, patrimonio, etc.) e tramitar a licenza de obra ao Concello de Porto do Son. Nesta ocasión, non é así, e entendemos que hai distinta vara de medir, segundo sexan os intereses do PP do Son.